Felix Dorfin, 35 vjeç u dënua me vdekje nga një gjykatë në Indonezi si mbajtës i 3 kilogramë drogë në çantën e tij për trafik ndërkombëtar.
Sipas avokatit të 35 vjeçarit, vendimi ishte absurd, pasi prokurorët e çështjes së tij kishin kërkuar 20 vjet burgim.
Avokati deklaroi se dënimi i dhënë nga gjykata është shumë i ashpër dhe se për të do të bëhet apelim. Indonezia është një ndër shtetet me ligjet më të ashpra për drogën, teksa për trafik të lëndëve narkotike përfshihet edhe dënimi me vdekje, raportojnë mediat ndërkombëtare.
