Nga 36 328 maturantë që iu nënshtruan provimeve me zgjedhje në Maturën Shtetërore 2018 rreth 2300 u vlerësuan me notën 4 sipas rezultateve të publikuara nga MAS.
Kjo shifër është tregues i qartë i dështimit të këtij procesi pasi bëhet fjalë për lëndë të cilat maturantët i kanë zgjedhur vetë.
Nga 35609 maturantë që i janë nënshtruar provimit të gjuhës shqipe këtë vit rreth 1363 janë vlerësuar me notën 4. (MBETËS)
Nga 36 135 maturantë që i janë nënshtruar provimit të matematikës 2274 maturantë kanë vlerësuar me notën 4. (MBETËS)
Shkak i këtyre rezultateve të dobëta është koha e shkurtër që patën nxënësit nga njëri provim tek tjetri, presionet nga administratorët e procesit si edhe përgatitja profesionale e mësuesve, që lë për të dëshiruar në shumë shkolla të vendit.
Janë jo të pakta gjimnazet në të cilët ka mësues të diploma “Bachelor” dhe Master në kioskat private. Në duart e tyre është fati i rinisë shqiptare.
Përfituesit kryesore nga kjo çorbë e Ministrisë Arsimit janë Universitetet Private, të cilët edhe këtë vit pritet të përballen me fluks kërkesash për regjistrim nga nxënësit që nuk kanë kapur degët që dëshirojnë.
Ministria e Arsimit duhet t’i përkushtojë më shumë vëmendje edukimit të brezit të ri se sa aktiviteteve të LGBT-ve për të cilët u investua gjatë.
Jo në pak media pamë përfaqësues të Ministrisë së Arsimit që dolën të flisnin për hallin e madh të LGBT-ve.
Për ironi të fatit për procesin e maturës shtetërore , qe vendos për të ardhmen e rreth 37 mijë të rinjve nuk pat një plan të qartë për mënyrën se di do vijojë ky proces.
Sindikata e Arsimit pjesë e Konfederatës së Sindikatave të Shqipërisë i kërkon Ministrisë Arsimit të punojë për të gjetur shkaqet e dështimit të procesit Maturës Shtetërore.
