Tre persona janë arrestuar, pasi kundërshtuan me dhunë punonjësit e policisë.
Në pranga kanë rënë Seldio Ballazhi 31 vjeç, Vilson Ballazhi 21 vjeç dhe Adrian Kurti 22 vjeç, të gjithë banues në fshatin Gurrë e Madhe-Klos.
Arrestimi i tyre u bë pasi, në Klos në bashkëpunim me njëri-tjetrin janë konfliktuar me disa persona të tjerë, dhe kur kanë ndërhyrë shërbimet e policisë për të parandaluar konfliktin tre të arrestuarit kanë kundërshtuar me dhunë punonjësit e policisë.
Materialet proceduriale i kaluan Prokurorisë Rrethit Gjyqësor Mat për veprën penale “Kundërshtim i punonjësit të policisë së rendit publik”, parashikuar nga neni 236/2 i Kodit Penal.
