Pas deklaratave të ministres së Shëndetësisë Ogerta Manastirliu, e cila i cilësoi thjesht si shfaqje të opozitës akuzat e lidhur me nxjerrjen në treg të maskave të skaduara, ka reaguar sekretarja e përgjithshme e PDIU, Mesila Doda.
Përmes një postimi në facebook, Doda bën përgjegjëse Manastirliun, për një veprim kriminal me bluzat e bardha duke i dhënë maska të skaduara prej 10 vitesh, duke shtuar se e me paturpësi mbrohet me politikën.
Postimi i plotë:
Mos u mbro më me politikën moj zonjë… je përgjegjëse për një veprim kriminal, ti dhe shefi jot… të bësh sikur je e fyer për bluzat e bardha është veprimi më i poshtër që mund të bësh. Lëri të qetë heronjtë tanë, mjekët e infermierët. Ti nuk ke as një pikë të ndërgjegjes dhe sakrificës së tyre sepse i dhe maska të skaduara prej 10 vitesh e me paturpësi mbrohesh me politikën. Ti nuk je me ta në një front, je përballë tyre. Hesht e mos u ndje më se në çdo vend normal sot do ishte fushatë arrestimesh kolektive me ty në krye. Ju nuk jeni thjesht kleptomane, jeni pjesë e një drejtimi kriminal në këtë vend.
