Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Masakra e 2 Prillit në Shkodër, Basha: Sot e njëjta betejë

Nga Klodiana 0

Kryetari i Partisë Demokratike Lulzim Basha ishte sot në Shkodër, në ceremonitë përkujtimore për lëvizjen rinore të 2 Prillit 1991, lëvizje në të cilën dhanë jetën, të vrarë nga diktatura, 4 të rinj shkodranë.

Basha tha se mostra që shkaktoi 2 prillin nuk ka vdekur por po përpëlitet si bishë e plagosur dhe ndaj sot Shkodra dhe Shqipëria janë thirrur nga historia.

“Shkodra e ka shkishëruar shitblerjen e votës. Shkodra do ta bëjë hasha këdo që shet e blen votën. E gjithë Shqipëria po bëhet gati nën shembullin e Shkodrës ta përzërë regjimin e hajnit. Sot është dita që t’ju drejtohem shkodranëve me mirënjohjen më të thellë dhe t’ju them Shkodrës dhe shkodranëve jeni dhe duhet të jeni krenarë për këtë çmim kaq të lavdishëm që keni vendosur në altarin e lirisë dhe demokracisë. Mostra që shkaktoi 4 dëshmorët e 2 prillit dhe qindra të plagosur nuk ka vdekur. Ajo po përpëlitet si bishë e plagosur. Shkodra është e thirrur nga historia, Shqipëria është e thirrur nga historia me sytë nga e ardhmja. Ne do të jemi në lartësinë e misionit, në thirrjen e pavdekshme ‘E duam Shqipërinë si gjithë Europa. Si më 2 prill 1991 ashtu dhe më 2 prill 2019 është e njëjta betejë. Populli i Shkodrës është i rreshtuar në të njëjtën anë të barrikadës. Unë jam krenar të jem me popullin e Shkodrës në të njëjtën anë. Gjithë Shqipëria e di se ne do të fitojmë. Lavdi heronjve të 2 prillit 1991”, deklaroi Basha.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej