Ditën e sotme ka filluar të zbatohet marrëveshja e nënshkruar mes Serbisë dhe Kosovës për letërnjoftimet dhe efektet e para janë ndjerë. Sipas të dhënave të mediave, situata e përgjithshme e sigurisë në veri të vendit është e qetë. Rrugës nga Mitrovica për në Jarinë në disa lokacione janë të pozicionuar pjesëtarë të KFOR-it, ndërsa vërehet herë pas here edhe një helikopter i forcave paqeruajtëse duke vëzhguar situatën nga ajri.
Në kufi ka pak automjete duke qarkulluar nga të dyja anët dhe nuk pritet më shumë se pesë minuta, transmeton KP. Ajo që vlen të theksohet është se në kontejnerët nga pala serbe janë vendosur njoftime në gjuhën angleze dhe serbe në të cilat njoftohen qytetarët se pranimi i letërnjoftimeve të Kosovës që do të aplikohet nga mesnata nuk nënkupton pranimin e pavarësisë së Kosovës, por do të ndodhë për shkak të mundësisë së lëvizjes së lirë të qytetarëve. Situatë e qetë dhe pa ndonjë problem po mbretëron edhe në drejtim të kufirit të Bërnjakut
