Pas ngjarjes në Aeroportin e Rinasit ku u vodhën miliona euro, qeveria shqiptare do të kërkojë konsulencë nga një kompani e huaj për monitorimin e marrëveshjes me TIA-n.
Sipas vendimit të qeverisë për këtë çështje është autorizuar Avokatura e Shtetit.
Ky organ do të ngrejë një komision për procedurën e përzgjedhjen e zyrës së avokatisë së huaj, ndërsa sqarohet se kontraktimi do të bëhet përmes konkurrimit. Menjëherë pas ngritjes Komisioni do t’u bëjë ftesë për pjesëmarrjen në proces zyrave të huaja më të njohura të avokatisë.
Kostot e shpenzimeve sipas këtij vendimi do të mbulohen nga Buxheti i Shtetit.
Ky vendim është botuar në Fletoren Zyrtare duke hyrë kësisoj në fuqi.
