Ish-ministri i Drejtësisë, Ylli Manjani, ka reaguar përmes një postimi në rrjet, lidhur me deklaratat e Kryeministrit Edi Rama, sipas të cilit jeta do të rihapet nga fundi i majit.
Sipas tij, statistikisht, asnjë shtet në rruzull nuk do kishte mbyllur vendin deri në kufinjtë e varfërisë ekstreme për aq sa japin shifrat zyrtare!
Postimi i plotë:
Nuk e di, të qeshësh a të qash më me këto traplliqe krejt pa llogjikë!
A janë të Komitetit Teknik apo të vizatimit teknik nuk e di, por qartësisht “komiteti qëndror” nuk është hiç në rregull.
Në definicion, inkubacioni i detyruar është 14 ditë. Quarantinë, nga vetë fjala do të thotë max 40 ditë izolim. Çdo ditë tjetër më shumë nuk ka më lidhje me betejën ndaj virusit, por ndaj njeriut.
Llogjika ta do që ose shifrat statistikore janë të mira dhe jeta hapet, ose ato fshehin realitetin dhe masat ndaluese duhet të vijojnë.
Merreni si të doni analizën, me çfarë syzesh të doni ti lexoni, por me aq të infektuar sa deklaron shteti zyrtarisht masat e marra quhen abuzim masiv me të drejtat themelore të njeriut.
Pastaj analiza e gazrave toksike se do na qënkërkish “bërë hataja” po të më merreshin masat, quhet spekulim, në mos mashtrim i kryer me dashje.
