Bazuar në denoncimet e qytetarëve Edi Rama ka publikuar sot 100 emrat përgjegjës për eksperiencat negative të qytetarëve në administratën shtetërore.
Si aktin e parë të dikaturës e ka cilësuar Ylli Manjani këtë veprim të kreut të qeverisë.
Në një postim në profilin e tij në Facebook, Manjani thotë se me shpalljen e dënimit që Rama u bëri nënpunësve kapitulloi reforma në drejtësi dhe vetting-u.
“Akti i parë i diktaturës. Komiteti Qëndror i Rilindjes, me në krye shokun Edi Rama, shpalli sot dënimin për disa nënpunës të shtetit! Ndër ta edhe gjykatës e Prokurorë!
Reforma në drejtësi kapitulloi, së bashku me vetting-un! Askush nuk do ta besojë në pavarësinë e strukturës së vetting, pas këtij linçimi publik të emrave që bëri mrekullia kushtetuese e Shqipërisë!
Drejtësia popullore e popullit të Facebook tashmë është në veprim! I mjeri ai që i bie taksirati të ketë të bëjë me këtë shtet që po ndërtohet!!!”, ka shkruar Manjani.
