Lidhur me rastin e kompanisë “Omnix”, Ministri i Drejtësisë Ylli Manjani, ka fajësuar Gjykatën e Durrësit se i ka dhënë në mënyrë të paligjshme pronësinë mbi një sipërfaqe toke prej 45 mijë metra katrorë familjes Selçuni, të cilët janë përfshirë në debatin për ndërtimin e resortit turistik në Gjirin e Lalëzit.
Kreu i Drejtësisë ka akuzuar gjyqtaren e çështjes, se i ka hequr në mënyrë të padokumentuar kompanisë libaneze të drejtën mbi sipërfaqen e tokës.
Manjani tha se Gjykata e Durrësit ka gabuar rëndë procedurialisht, sepse u mjaftua të thërriste në gjyq vetëm Bashkinë dhe Avokaturën e Shtetit.
Ministri i Drejtësisë kërkoi shkarimin e gjyqtares së çështjes në KLD, së dyti i kërkoi Avokates së Shtetit pranë Kryeministrisë të thellojë analizën e saj në institucionin që drejton, gjithashtu shkarkoi nga detyra përfaqësuesin e Avokatisë së Shtetit në Durrës. Dhe së fundmi Manjani i kërkoi Bashkisë së Durrësit që të shkarkojë juristët e saj, të cilët e kanë lënë këtë çështje të hyjë në fuqi
