Ministrja e Shëndetësisë, Ogerta Manastirliu ka përcjellë një urim të ndjerë në ditën ndërkombëtare te infermierëve, duke veçuar punën e tyre përgjatë pandemisë së koronavirusit.
Përmes një statusi në Facebook, Manastirliu thotë se infermierët janë zemra e sistemit tonë shëndetësor, duke veçuar ata që punojnë në dy spitalet Covid.
“Si ditën e parë të epidemisë, sot e gjithë ditën, infermierët e palodhur të dy spitaleve COVID janë në vijën e parë të betejës me koronavirusin. Kam një falenderim të përzemërt për secilin prej tyre, por edhe për çdo infermier të shërbimit shëndetësor, nga urgjenca kombëtare, në qendrat shëndetësore, poliklinikat e specialiteteve dhe spitalet nga veriu në jug, që shërbejnë me përkushtim çdo ditë të vitit. Infemierët zemra e sistemit tonë shëndetësor!”, shkruan Manastirliu.
