Ish-deputeti i Partisë Demokratike, Bardh Spahia ka reaguar pas publikimit të videos nga ministrja e Shëndetësisë Ogerta Manastirliu që tregon situatën e rënduar nga koronavirusi, brenda spitalit Infektiv.
Spahia shprehet se spitali rajonal i Shkodrës është në kolaps dhe se ka mungesë tamponesh dhe se duhet të merren masa serioze dhe jo të vazhdohet me propagandë.
“Tashmë spitali rajonal i Shkodrës është në kolaps, me pacientë të dyshuar me Covid, e të testuar vetëm me skaner, që konfirmoi dyshimet e mjekëve. Shkak është mungesa e tamponëve, sepse nga 3-6 tamponë që i dërgohen Shkodrës janë një tallje, jo mbështetje në këtë situatë shpërthimi të virusit Korona. Dhe në vend që të merren masa urgjente, impenjimi është për ta fshehur situatën, duke ç’orientuar publikun. Eshtë modeli që Edi Rama vazhdon të ndjekë edhe në largim! Postohet video nga spitali infektiv për të krijuar panikun, të vetmen “punë” që di të bëjë mirë”, shprehet Spahia.
