Pas tragjedisë në uzinën e përpunimit të naftës në Ballsh ku humbi jëtën një person dhe u plagosën 5 të tjerë, deputeti i PDIU Omer Mamo kërkon miratimin e ligjit për statusin e naftëtarit, i cili parashikon paga dhe pensione më të larta për punonjësit e kësaj industrie.
Deputeti i PDIU duke shprehur keqardhje për humbjen e jetës se 42-vjeçarit Shkelqim Mucaj, i bën thirrje të gjithë deputeteve që ta miratojnë nismën e propozuar prej kohësh në Kuvend nga ana e tij, që do t’u vijë në ndihmë më shumë se 5 mijë naftetarëve dhe familjeve të tyre në raste fatkeqësish.
‘’Në këto ditë të vështira i bëj thirrje qeverisë dhe deputetëve të miratojnë ligjin për statusin e naftëtarit. Duhet ta miratojnë edhe për Muçën që u nda nga jeta, por edhe për kolegët e tij’’, u shpreh Mamo.
