Një aksident i rëndë ka ndodhur mbrëmjen e djeshme në brendësi të tunelit në aksin Elbasan -Tiranë ku një person humbi jetën.
Mësohet se viktima është Elton Maçolli 42 vjeç, vëllai i deputetes së PS, Blerina Gjylameti. 42-vjeçari prej disa vitesh punonte në bazën ajrore të helikopterëve në Farkë.
Raportohet se makina e Maçollit tip “Seat”, e pajisuar me një impiant gazi pas një përplasje me një maune shpërtheu në flakë.
Makina u shkatërrua plotësisht pas aksidentit, ndërsa policia po heton për zbardhjen e plotë të rrethanave të ngjarjes dhe ka ndaluar shoferin e kamionit.
