Lajmi se Partia Demokratike ka propozuar amendamente shtesë që kushtëzojnë datën e çeljes së negociatave me Bashkimin Europian ka shkaktuar një “stuhi” të vërtetë mediatike në Shqipëri.
Por, në fakt kryetarja e komisionit parlamentar të integrimit, Majlinda Bregu ka kërkuar çeljen e negociatave me BE-në, por dhe e dekriminalizimit dhe zhvillimin e zgjedhjeve të lira e të ndershme, krahas pesë priroriteteve të deritanishme.
Sipas saj, e vetmja rrugë që mund të shtojë presionin ndaj Qeverisë së Tiranës është çelja e negociatave.
Më poshtë një pjesë e shkurtër e fjalimit të Majlinda Bregut në takimin e sotëm në Bruksel:
“Reforma në drejtësi ishte skaner për të gjithë klasën politike në Shqipëri.
Ju, si Bashkim Europian jeni investuar më shumë në ruajtjen e stabilitetit se sa në zhvillimin e demokracisë. Sipas meje, situata në Shqipëri dhe kjo rrugë e gjatë i shton listës së pesë prioriteteve edhe dekriminalizimit dhe zhvillimin e zgjedhjeve të lira e të ndershme.
Nga ana tjetër zhvillimi ekonomik i vendit duhet të jetë priotitet.
E fundit: komisioni duhet të propozojë pasnesër çeljen e negociatave. Nuk ka mënyrë tjetër për të detyruar qeverinë e politikën për të ndërmarrë seriozisht reformat se sa kjo rrugë. Siç thuhet: kura më e mirë kundër armiqve të demokracisë, është më shumë demokraci.”
