Deputetja e PD-së sqaron pse mungoi në protestën e kolegeve demokrate
Majlinda Bregut është kundër protestës së grave demokrate për fyerjet që ato pretendojnë se iu ka bërë kryeministri Rama. Deputetja demokrate Majlinda Bregu thotë se mungoi në protestën e djeshme për shkak se kishte një tjetër angazhim por sqaron se ashtu siç shkoi protesta, ndjehej mirë që nuk ishte pjesë e saj.
“Isha në një angazhim tjetër e më keqardhje m’u desh të mungoj, por ashtu si shkoi, ndihem më mirë që nuk isha dhe do t’u kërkoj kolegeve të mia të ulemi dhe të flasim seriozisht për atë që na takon të bëjmë seriozisht”, shprehet për “Panorama” Majlinda Bregu.
Majlinda Bregu është kundër protestës që deputetet Albina Deda, Albana Vokshi e të tjera demokrate organizuan dje para kryeministrisë. Ato protestuan me pretendimin se kryeministri kishte fyer në sallën e Kuvendit në seancë plenare, deputeten Albina Deda.
