“Pas 300 vitesh duhet të vini në Shqipëri, për ta parë nga afër vendin tuaj të origjinës, i cili është kthyer në një destinacion mjaft të preferuar turistik.”
Këto janë fjalët që Ministri i Shtetit për Diasporën Pandeli Majko u tha shqiptarëve të Ukrainës.
Majko së bashku Shpresa Kuretën, ambasadore e Shqipërisë në Ukrainë vizitoi fshatin Karakurt, në rajonin e Odesës ku jeton më shumë se gjysma e shqiptarëve të Ukrainës.
“Gjaku nuk bëhet ujë…”, tha më tej Majko duke premtuar se do të ketë gjithmonë një sy e një vesh për diasporën në Ukrainë.
Ministri vizitoi shkollën, ku mësohet gjuha shqipe e gjithashtu Shtëpinë e Kulturës, ku performuan një sërë grupesh artistike të diasporës.
