U deshën 11 vjet që Teuta të fitonte një ndeshje në Laç dhe protagonistë këtë rradhë janë pjestarët e një familje… Maganët. Babai ka ndërtuar një skuadër që në fiillim të kampionatit askush nuk besonte se do të shkonte kaq larg, ndërsa i biri ka filluar të shënojë gola deçiziv pë skuadrën e të atit. Për Teutën ka shënuar edhe blerja e janarit Xhonatan, ndërsa golin e vetëm të laçianëve e ka realizuar Ademir, i huazuar nga Skënderbeu. Tirana është shkatërruar 3-1 në Shkodër, në një ndeshje të dominuar totalisht nga Vllaznia, madje të katër autorët e golave kanë qenë të skuadrës së Cungut. Cicmil ka shënuar fillimisht në portën e tij dhe më pas në atë të Bakajt, ndërsa Shtubina dhe Kalaja i dhanë dorën e fundit bardhebluve. Daja e ka humbur tashmë skuadrën, e cila është jo vetëm e rënuar psikologjikisht, por i mungojnë edhe alternativat. Pasi më parë ka eksperimentuar sa ka mundur, në Shkodër teknikut kryeqytetas i mungonin njëkohësisht të tre mborjesit e qendrës, Muça, Teqja dhe Dejan Karan, ndërsa zëvendësuesit as që e kishin idenë se çfarë duhet të bënin. Tirana e tanishme e ka humbur ritmin dhe është larguar katër pikë nga zona europiane. Kukësi fiton minimalisht 1-0 me Tërbunin, tashmë të rënë në Kategorinë e Parë, por ka gjetur një yll të ri për sulmin, shqiptaro-maqedonasin Emini. I ardhur vetëm në merkaton e janarit, sulmuesi vazhdon të përmirësojë rekordin e tij, duke arritu në kuotën e shtatë golave të shënuar, si askush tjetër.
