Qytetarë të shumtë i janë bashkuar protestës së opozitës para Kryeministrisë.
Protestuesit, të cilët kanë vënë një shirit në krah.
Janë vajza dhe djem, që mbajnë shiritin me shënimin “PMT”, dhe që kanë krijuar kordon para policisë, për të ndihmuar në mbarëvajtjen e protestës.
Partia Demokratike ka kërkuar 2 orë leje në policinë e Tiranës.
Mbi 1000 efektivë të policisë do të jenë të angazhuar në terren mes të cilëve forca të rendit, të Ndërhyrjes së Shpejtë, repartit Shqiponja dhe punonjës të Gardës.
Ashtu si në protesta e tjera, do të ketë një kordon policie para Kryeministrisë, ndërsa Forcat e Ndërhyrjes së Shpejtë do të qëndrojnë në mbikëqyrje të situatës dhe në gatishmëri për çdo rast.
Qe prej orës 16:00 kanë nisur kufizimet në qarkullimin rrugor në bulevardin “Dëshmorët e Kombit”, Rruga “Xhorxh Bush” dhe pjesërisht rruga “Zhan Dark”.
