Presidenti francez, Emmanuel Macron në një intervistë të dhënë deklaroi sot se, nëse rezultatet e një raporti të Komisionit të Bashkimit Europian, që do të dalë në muajin mars, për Shqipërinë dhe Maqedoninë e Veriut do të ishte pozitiv, atëherë ai do të mbështeste hapjen e negociatave që këto dy vende t’i bashkohen bllokut.
“Ne jemi duke pritur për raportin në muajin mars. Nëse nëse rezultatet janë pozitive dhe besimi vendoset, atëherë ne duhet të hapim negociatat”, u shpreh Macron në Konferencën për Sigurinë, që po zhvillohet në Mynih.
