Ish-ministrja e mbrojtjes Mimi Kodheli është nderuar nga Franca me dekoratën më të lartë, Legjionin e Nderit.
Dekorata është akorduar nga Presidenti francez, Emmanuel Macron. “Legjioni i Nderit” është dekorata më e lartë që jepet në Francë. Ajo është krijuar nga Napoleon Bonaparti në maj të viti 1802 dhe për herë të parë ajo është dhënë në 15 qershor të 1804-ës.
Medalja jepet për trimëri në veprimet ushtarake ose për shërbim ushtarak 20-vjeçar të dalluar, por edhe në rastet e civilëve, kur puna e tyre rrit reputacionin e Francës përmes studimeve, arteve, shkencave, politikës etj.
