Presidenti francez Emmanuel Macron ka propozuar të ulë me një të tretën numrin e ligjvënësve.
“Në këtë mënyrë do të prodhonim një qeveri më efikase që do të vinte Francën në një “rrugë të re rrënjësore”, tha Macron.
Nëse ndryshimet e propozuar prej tij nuk do të miratohen brenda vitit, ai tha se do të marrë vendimin për një referendum.
Shkurtimet e propozuara do të reduktonin numrin e anëtarëve të Asamblesë Kombëtare nga 577 në 385, dhe numrat e anëtarëve të Senatit nga 348 në 232.
Presidenti i Francës, ka thënë gjithashtu se do ta heqë gjendjen emergjente në vend në fund të këtij viti, e cila u shpall në nëntor të vitit 2015.
Gjendja e jashtëzakonshme në Francë ka mbretëruar që prej sulmit terrorist në Paris, ku u vranë 130 persona në nëntor të vitit 2015.
