Ka nisur shpërndarja e lopëve për fermerët në Lushnje që pësuan dëme nga sëmundja e dermatozës nodulare gjashtë muaj më parë.
Rrethi i Lushnjes ishte ndër më të prekurit nga sëmundja e dermatozës nodulare që solli ngordhjen një numri të madh gjedhësh. Fillimisht janë shpërndarë 50 lopë nga 200 të tilla, që janë evidentuar të ngordhura nga sëmundja.
Fermërët shprehën pakënaqësi pasi lopët që ju ngordhën ishin me qumësht ndërsa këtyre që po marrin u duhet 1 vit që të prodhojnë sasinë e qumështit që ata pretendojnë.
Dermatoza nodulare u shkaktoi dëme fermerëve në të gjithë vendin, kryesisht në rajonet Fier, Gjirokastër dhe Korçë. Pritet që sipas grafikut të hartuar nga ministria e Bujqësisë të vazhdohet me dëmshpërblimin edhe të fermerve në këto zona.
