Anëtari i Kryesisë së Lëvizjes Socialiste për Integrim, Shezai Rrokaj tha se në punimet publike që po kryhen në qytetin e Vlorës nuk ka asnjë qytetar vendas të punësuar.
Gjatë një aktiviteti në Vlorë ku ishte i pranishëm, teksa komentoi punimet që po zvillohen në këtë në qytet dhe konkretisht projektin për “Lungomaren”, Rrokaj tha se edhe firmat që po kryejnë punimet për këtë projekt nuk janë vendase.
Gjithashtu Shezai Rrokaj i cili është dhe i deleguari i LSI-së në këtë qytet është shprehur se Vlora nuk ka marrë vëmendjen e duhur duke nisur nga infrastruktura ku rrugët e qytetit janë si ato në Kandahar dhe deri tek deti, ku Vlora ndryshe nga Durrësi nuk ka as port turistik dhe as tregtar.
Projekti “Vlora e Shekullit të Ri” iu besua studios projektuese belge XDGA, të përfaqësuar nga arkitekti Xaveer de Geyter.
