Vlorë- IKMT ka rinisur aksionin e prishjes në Vlorë të godinave të mbetura përgjatë Ujit të Ftohtë. Tre objekte do të prishen në kuadër të projektit Lungomare. Kundërshtime të forta ka për shembjen e tyre nga ana e pronarëve, pasi objektet janë me leje në bazë edhe të proçeseve gjyqësore të fituara deri në Strasburg. Ata pretendojnë se ka ndryshuar projekti.
Pronarët së bashku me punonjësit po bëjnë rezistencë duke paralajmëruar se nuk do të lejojnë prishjen e objekteve. “Kreu i Bashkisë të vij këtu të na përgjigjet. Rama ka ndryshuar projektin e Lungomares, në projektin e parë nuk parashikohej prishja e objekteve”.
