Në deklaratën e tij për gazetarët, kryedemokrati Lulzim Basha ka shprehur kritikat e tij ndaj Policisë së Shtetit. Basha tha se policia gënjeu për faktin që mohoi të ketë hedhur gaz lotsjellëse, duke theksuar se asnjë person brenda selisë së PD nuk kishte as gaz por as ndonjë send të fortë.
Më tutje Basha tha se Policia e Shtetit tregoi se është blerë nga Rama, pasi nuk ndërhyri në kohën kur duhej, por erdhën vetëm pasi u njoftuan. “Nuk ka hedhur Partia Demokratike gaz lotsjellës ishte bombol që shuan zjarrin, ishte tymi i bombolës që shuan zjarret. Deklarata e policisë është kriminale dhe duhet hetuar, një për faktin që nuk u përgjigjën për një orë e gjysmë dhe dy për gazin lotsjellës. Partia Demokratike nuk ka hedhur gazlotëjsellës”, tha Basha.
Kujtojmë se gjatë paradites Policia e Shtetit doli në një deklaratë publike ku tha se nuk forcat e tyre nuk kanë lidhje me përplasjet në PD dhe as me gazin lotsjellës që po hidhej ndaj protestuesve, duke ia ngarkuar këtë akt anëtarëve të PD brenda selisë.
