Katër vëllezër janë arrestuar nga policia e Fier. Bëhet fjalë për personat e identifikuar me emrin Trifon Sako, Ermir Sako, Ilia Sako, Altin Sako. Ndërsa në kërkim është shpallur nipi i tyre në kërkim Dhionis Sako.
Në vijim të hetimeve, në kuadër të operacionit policor të koduar “Zhavar”, gjatë kontrollit të imtësishëm të territorit, në vendin e quajtur “Nikas”, në fshatin Mujalli, shërbimet e Policisë gjetën të kultivuara bimë të dyshuara narkotike cannabis sativa.
Po ashtu nga veprimet hetimore rezultoi se njëri prej autorëve të arrestuar gjatë fazës së parë të operacionit, konkretisht personi i identifikuar me iniciale F. G., 40 vjeç, në bashkëpunim me këta 5 persona, kanë kultivuar bimë të dyshuara narkotike cannabis sativa, në tokën në pronësi të tyre.
Materialet i kaluan Prokurorisë, për veprime të mëtejshme procedurale.
