Në zgjedhjet e 25 prillit do të jetë një shumicë e shqiptarëve të lodhur nga këto 7 vite dhe një një grusht njerëzish që përfitojnë në kurrizin e tyre. Kështu është shprehur kreu i Partisë Demokratike, gjatë një lidhjeje direkte me Abc e Mëngjesit, me gazetarin Enkel Demi.
Ndër të tjera, Basha u shpreh se PD do të dërgojë ditën e sotme një padi në SPAK në lidhje me aferën e inceneratorëve. Nga ana tjetër, sipas kryedemokratit, në këtë kohë të vështirë pandemia nuk janë investuar nga e qeverisë as 12 për qind e fondit përkatës.
Duke ngritur pyetjen se ku janë lekët e shqiptarëve, Basha u shpreh se plani me 5 pika i opozitës do t’i shpërndajë paratë drejt qytetarëve.
Po ashtu, Basha, duke iu referuar valës së dytë të koronavrusit, i bëri thirrje qeverisë që të marrë masa dhe t’i “dalë përpara së keqes.”
Duke iu rikthyer 25 prillit, kryedemokrati u shpreh:
“Shqiptarët kanë votën. Gjithë beteja jonë duhet të ndërtohet duke ruajtur mekanizmin themelor te demokracisë. Me votën e tyre e duan apo jo ndryshimin. Nëse duan të vazhdojnë akoma në këtë rrugë që do të na çojë në izolim të vendit. në fund të fundit, përballja duket më e qartë se kurrë, një shumicë e shqiptarëve dhe një grushti njerëzish që përfitojnë në kurriz të tyre. Pushtetin këta e përdorin vetëm për të zhvatur.”
Sa i përket reagimit të Ramës, në emisionin “Opinion” kur Basha kërkoi të ndërhynte me anë të një lidhjeje telefonike, kreu i opozitës tha se kryeministri thjesht shfaqi “sesa frikacak që është.”
“…Ai tregon që është i intimiduar. Refuzoi aksesin mediaik timin. Është person që mundohet të intimidojë, por shfaq sa frikacak është. Prej 7 vitesh nuk mban asnjë premtim. Kishte frikë të përballej. Diskursi i tyre ka si qëllim të shmangë nga vëmendja e shqiptarëve debatin e vërtetë. Nuk kanë përgjigje për pyetjet e mia dhe të shqiptarëve. Pse vazhdon të shtohet numri i të infektuarve, bie numri i testimeve.”
Duke theksuar se kryeministri është frikacak, Basha nënkuptoi se Rama “merr viza” përpara se të dalë në përballje mediatike.
“…Kjo është mos keshkurajo të përballesh esëll. Bën mu kush merr viza.”
s.b. /ABC News/
