Në konferencën që zhvilloi pak më parë me mediat kryedemokrati, Lulzim Basha tregoi se vendi ynë preket ekonomikisht nga përplasja Rusi-Ukrainë. Prandaj, teksa i kërkoi qeverisë që të publikojë masat e ndërmarra deri më tani, ai sugjeroi të shqyrtohen urgjentisht dy propozimet e PD. Prej kohësh, PD ka kërkuarat reduktimin në 6% të TVSH për shportën e ushqimeve, si dhe heqjen e takës për karburantet.
“Për këtë arsye i bëj thirrje qeverisë të rimarrë në shqyrtim dy masa të propozuara nga Partia Demokratike: 1. Uljen e TVSH për ushqimet e shportës nga 20 në 6 % dhe 2. heqjen e menjëhershme të taksës Rama mbi Karburantin prej 240 lekësh për litër.
Ndonëse kjo situatë vjen prej zhvillimeve jashtë vendit, është detyrë e menjëhershme e qeverisë të marrë masa, dhe të bëjë transparencë duke informuar qytetarët, pa asnjë vonesë, sepse ndërkohë mediat kanë nisur të raportojnë blerjet masive të produkteve bazë nga qytetarët. Paniku nuk ndihmon në këtë situatë, e vështirëson atë”, tha Basha, ndërsa theksoi se në këtë momente duhet menjëherë, veprim, transparencë dhe informacion nga qeveria.
