“Çdo qytetar e di se kush është koka e së keqes dhe do ta godasin atë më 25 qershor pikërisht si shkaktar i kancerit në qeveri dhe politikë”
Menjëherë pas akuzës së kryeministrit Rama ndaj LSI-së gjatë një takimi të sotëm elektoral, reagoi ashpër nënkryetari i LSI-së, Luan Rama. Përmes një deklarate urgjente tha se LSI nuk i trembet as kreut të Rilindjes Edi Rama e as shërbëtorit të Rilindjes Lulzim Basha.
Pasi Rama kishte përdorur fjalën “metastaza” duke i atashuar LSI-së gjtihë korrupsionin edhe në bujqësi, Luan Rama sqaroi se politikat bujqësore nuk janë politika të një ministrie, ato janë politika shtetërore për të cilat ministria është përgjegjëse për zbatimin apo implementimin e tyre.
Sipas Luan Ramës, korrupsioni dhe metastazat e tij e kanë origjinën pikërisht tek kryeministri, dhe për këtë ai shpreh bindjen se shqiptarët e dinë mirë dhe se do ta reflektojnë në zgjedhjet e 25 qershorit. Nënkryetari i LSI-së u shpreh i bindur se më 25 qershor, shqiptarët do ta votojnë LSI-në për ti dhënë fund abuzimit të Rilindjes dhe kalimit të saj në opozitë atje ku i pret aleati i ri, të cilin e quan shërbëtor të Rilindjes, Lulzim Basha.
“Dua të nënvizoj faktin se edhe Edi edhe Luli edhe cilido tjetër që ka përgjegjësi për politikat bujqësore e di mirë që politikat bujqësore nuk kanë të një ministrie por janë shtetërore. Ministria është përgjegjëse për implementimin e saj. Ndaj përgjegjësia e drejpërdrejt është e qeverisë për faktin e uljes së subvencioneve në bujqësi. Është fakt se qeveria ka dhënë në 2017 vetëm 13 milionë euro, ndërkohë që subvencioni në Kosovë është në 64 mln dhe në Maqedoni 170 mln euro.
Duke fajësuar Ministrinë e Bujqësisë, kryetari i opozitës dëshmon se është një shërbëtor i verbër i qeverisë.
Ne nuk kemi frikë nga Kryetari i Rilindjes dhe zëdhënësi i tij Luli. Nuk i trembemi sepse votuesit e LSI do ti japin kësaj dysheje të këndshme vendin e merituar më 25 qershor”, tha Rama.
