“Saimiri tha para 6 muajsh se nuk është e nevojshme nxjerrja e ushtrisë për kanabisin”
Nënkryetari i Grupit Parlamentar të LSI-së Luan Rama tha qartazi se LSI nuk do të marrë pjesë në zgjedhjet e Kavajës.
Në një prononcim për median Luan Rama tha se LSI nuk është regjistruar në zgjedhjet e Kavajës sepse mënyra si është proceduar për zgjedhjen e kandidaturës ka qenë e njëanshme, nuk jemi trajtuar si partnerë në këtë proces.
“Ne kemi qenë kundër kandidaturës së kryebashkiakut të kaluar, e konsiderojmë këtë një çështje të PS-së. Nuk jemi pjesë e këtij procesi në Bashkinë e Kavajës” u shpreh Luan Rama.
Më tej nënkryetari i Grupit Parlamentar të LSI-së i është përgjigjur ish-ministrit të Brendshëm Saimir Tahiri teksa i kujtoi këtij të fundit kanabisin.
“Ne nuk mendojmë njësoj, as si PD dhe as si Tahiri. Saimiri tha para 6 muajsh se nuk është e nevojshme nxjerrja e ushtrisë për kanabisin.” tha Luan Rama.
