Për shkak të frikes së shkollëpakut nga Vetingu qeveria e tij e vogël futi duart e mëdha te Vetingu.
Qeveria tashme i kontrollon strukturat e Vetingut, u jep personel dhe para aq sa do ajo’ dhe me anë të Ministrisë së Drejtesise u administron investimet dhe informacionet, pra u kontrollon gjithçka.
Ambasadorët Lu dhe Vlahutin ishin garantët e pavarësisë së plotë dhe të pakushtëzuar të Vetingut.
Si anëtar i komisionit të reformës në drejtësi, personalisht e votova vetingun në atë kohë (kujtoj që vota ime bënte diferencën) vetëm pasi besova totalisht garancitë e plota që dy ambasadorët e nderuar Lu dhe Vllahutin qe perfaqesojne SHBA dhe BE më dhanë edhe mua personalisht.
Te nderuar Lu dhe Vlahutin, votimi i fundit i dhunshem i maxhorances në parlament për strukturat e Vetingut :
1.është falimentimi i një ideje pozitive,
2.është perëndimi i një shprese të fundit për një drejtësi të pavarur dhe me integritet,
3.është pushtimi prej qeverisë i mundësisë së fundit për ringritjen e shtetit të së drejtës.
Ambasadorët Lu dhe Vlahutin në kohën e miratimit të kësaj reforme
1. garantuan publikisht se reforma në drejtësi ishte nje produkt i perbashket edhe i SHBA dhe BE, e ku Vetingu ishte zemra e procesit.
2.Garantuan gjithashtu se qeveria s’kishte te drejte te propozonte reformen, por Kuvendi i Shqiperise dhe Komisioni i Posacem.
3.Garantuan gjithashtu qe Ministria e Drejtesisë nuk do te kishte asnjë rol sepse organet e reja do te ishin krejt të pavarura në vendimet e tyre por edhe në administrimin e tyre.
4.Garantuan që qeveria do te paguante të gjitha kostot financiare pa ndërhyrë në këtë proces.
Ka vetëm një shpresë të fundit për të shpëtuar asgjësimin përfundimtar të Vetingut.
Lu dhe Vlahutin kanë sërish në duart e tyre një mundësi të fundit që ta shpëtojnë Vetingun, që zemra e reformës në drejtësi të mos pushojë ende pa filluar mirë dhe që shqiptarët të mos zhgënjehen përfundimisht.
Le t’i kërkojnë maxhorances t’i anulloje vendimet e fundit te mara ne kuvend me 73 vota duke asgjësuar të gjitha garancitë që vetë ambasadorët u dhanë të gjithë shqiptarëve në korrikun e 2016.
Në të kundërt do të thotë se gjithçka ishte një demagogji, farsë dhe riciklim i të njëjtës drejtësi të kapur e të korruptuar si dhe që këtë fat të Vetingut do të ketë edhe SPAK-u etj organe të drejtesisë.
