Pavarësisht deklarateve për të mos hyrë në zgjedhje LSI ka dorëzuar kërkesën në KQZ për t’u regjistruar në zgjedhjet e 18 qershorit. Kjo kërkesë e LSI-së do të shqyrtohet nga KQZ ditën e nesërme.
“Partia Lëvizja Socialiste për Integrim, me shkronja nistore “LSI”, nëpërmjet Kryetarit të saj, z.Ilir Meta, ka paraqitur pranë Komisionit Qëndror të Zgjedhjeve kërkesën dhe dokumentacionin përkatës për t’u regjistruar si subjekt zgjedhor për zgjedhjet për Kuvendin që do të zhvillohen më datë 18 Qershor 2017″, thuhet në dokumentin e KQZ-së.
