Lëvizja Socialiste për Integrim ka organizuar në Tiranë një takim më të rinj nga e gjithë Shqipëria, në kuadër të hapjes së fushatës elektorale për zgjedhjet parlamentare. Takimi u fokusua tek edukimi, ndërsa deputetja Kejdi Mehmetaj, rezervoi sërish kritika për Ministrinë e Arsimit ndërsa tha se LSI ka një program të plotë për ta nxjerrë sistemin nga klientelizmi dhe korrupsioni.
“Lëvizja Socialiste për Integrim, ne, nuk jemi të kënaqur me arsimin në Shqipëri. Ne duhet të kërkojmë më shumë, sepse Shqipëria e ka të gjithë potencialin që të kthehet në qendrën e studimeve universitare në rajon, sepse profesorët tanë janë të shkëlqyer dhe potenciali është shumë i madh”- u shpreh Mehmetaj.
