Prokuroria e Tiranës ka nxjerrë një urdhër paraqitje kundrejt liderit të Partisë Demokratike të Shqipërisë, Lulzim Basha për çështjen e lobimit në SHBA nga një kompani ruse.
Kërkesa e Prokurorisë e cila mban firmën e prokurorëve të çështjes Ervin Karanxha, Gjergji Tako dhe Kole Hysenaj iu dergua liderit demokrat mesditën e sotme.
Nën hetim janë marrë gjithashtu edhe ish-sekretari i përgjithshëm dhe ish-deputeti Arben Ristani si dhe Ilir Dervishi ekonomist në PD.
Pas përfundimit të fazës paraprake hetimore për procedimin penal nr.645 prokurorët gjetën elemente të veprave penale të kryera nga shtetasit Lulzim Basha, Arben Ristani dhe Ilir Dervishi.Veprimet përfshinë marrjen e letër-porosisë nga autoritetet në SHBA.
Në datën 17 qershor prokuroria e Tiranës pret t’ua komunikojë vendimin shtetasve Basha, Ristani dhe Dervishi. Ata duhet të paraqiten në Prokurorinë e Tiranes, në orën 09:30, mbështetur në nenin 304/1, 308 te Kodit te Procedures Penale.
