Ministri i Brendshëm, Sandër Lleshaj gjatë mbledhjes së organizuar nga vetë ai, ka folur rreth ecurisë në luftën kundër kultivimit të kanabisit.
Leshaj u dha ultimatum të gjithë zyrtarëve të lartë të policisë, duke thënë se çdo bimë që kapet pas datës 15 qershor është përgjegjësia juaj.
“Po ashtu informacioni që vjen nga qytetarët na fton të gjithëve për vëmendje të shtuar në këtë segment. Çfarë kërkohet? Kërkohet kontroll rigoroz. Të gjitha kanë për detyrë se çfarë ndodh në territorin e Republikës së Shqipërisë. Sigurisht, që ne do të zhvillojmë një proces shumë intensiv, bashkëpunim me partnerët tanë. Por, roli dhe përgjegjësia e autoriteteve qofshin vendore, është përgjegjësia e drejtëpërdrejte e drejtuesve që operojnë në çdo pjesë të vendin. Çdo bimë që kapet para datës 15 qershor është detyrë e juaja, çdo gjë që kapet pas datës 15 qershor është përgjegjësia juaj.”, tha Lleshaj.
