Nga foltorja e kuvendit, ministri i Brendshëm Sandër Lleshaj e ka kompletuar skenarin e zbardhjes së grabitjes së Rinasit.
Pa dhënë asnjë provë, Lleshaj tha se grabitësit e Rinasit kishin lidhje me një celulë të rrezikshme terroriste.
“Sulmi ndaj policisë është përpjekje për të intimiduar procesin hetimor, duke bërë avokatinë e një prej bandave më të rrezikshme, një bandë e cila ka arritur të krijojë problematika të mëdha në disa vende. Banda ka sulmuar me armë, ka grabitur, ka lidhje të dokumentuara me celula të rrezikshme terroriste”, u shpreh Lleshaj.
Deri tani arrestuar për grabitjen pesë persona të dyshuar, Alkond Bengasi, Renaldo Sula, Oltian Veseli, Saimir Çela dhe Elton Pikli.
