Kryeministri Edi Rama është shprehur se pas ngjarjes tragjike ku 25 vjeçari Klodian Rasha u vra nga një efektiv policie, ministri Sandër Lleshaj i ka paraqitur dorëheqjen.
Ai i ka thënë ministrit se duhet të priste deri sa Rama të kthehej nga SHBA, ndërsa shtoi se Lleshaj nuk ka asnjë përgjegjësi për atë akt të rëndë të policit.
“Edhe pse nuk kanë qenë të pakta herët kur jemi përballur me inskenime, kurrë nuk e kemi keqpërdorur policinë. As kur protestuesit kanë qenë militantë dhe fanatikë të partive kundërshtare, të mblehdur në autobuza të paguar, si ata që i vunë zjarrrin pemës së Krishtlindjeve. Sot u thëm të gjithë efektivëve, në radhë të parë atyre që u përballën me protetsuesit dje, të ngrihen krenar me uniformën.
Efektivi i policisë që shkrehu armën kundër Klodianit është vetëm një veçim. Ministri Lleshaj ka njoftuar dhe ka dhënë dorëheqjen e tij dhe i kam thënë të më pres sa të kthehem se dua ta shihja dhe të bisedoja me të sy më sy. Jemi takuar edhe sot dhe jam shumë krenar për sensin e përgjegjësisë qytetarë të Sandër Lleshajt. Por në këtë vend nuk janë të gjithë njësoj. Ai nuk ka asnjë lidhje me aktin e rëndë të vrasjes së një djali 25-vjeçarSot ta mësojnë të gjithë ata se në këtë vend nuk janë të gjithë njësoj, as politikanët. Ai nuk ka asnjë lidhe me aktin e police por është vrarë një djalë dhe është hapur një varrë dhe një plagë në shpirtin e shqiptarëve”, u shpreh Kryeministri.
