Adriatik Llalla ka deklaruar se ambasadori Donald Lu ka keqinformuar Departamentin e Shtetit në lidhje me informacionet që ka dhënë për të.
“Jam i sigurt se ky është një vendim i marrë bazuar te keqinformimi i që i ka dhënë për mua ambasadori Lu, Departamentit të Shtetit”, ka deklaruar Llalla në një intervistë për gazetën amerikane Wall Street Journal.
“Ai më ka sharë mua, familjen time dhe gjithashtu të gjithë trupën e gjyqtarëve dhe prokurorëve, duke na trajtuar si kriminelë, duke na denigruar publikisht dhe personalisht”, ka shtuar Llalla ndërsa ka sqaruar se Lu e ka interpretuar vizitën e gruas së tij në Amerikë për arsye shëndetësore, për qëllime private.
