Vijon momenti “PO” për Liverpool.
Edhe pse vinin pas 120 minutave impenjative në Instambul ndaj Chelsea, ku edhe u shpallën fitues të Superkupës së Europës, të besuarit e Jurgen Klopp morën fitoren e dytë në kampionat.
“Pre” ishte Southampton, që e pa veten në disavantazh të dy golave pas 71 minutash lojë. Një “ISH” zhbllokoi shifrat. Sane kaloi në avantazh të kuq në limitet e pjesës së parë, ndërsa Firmino hipotekoi 3 pikëshin. Gjithsesi, Southampton u mundua të reagojë, por rrjeta e Danny Ings shërbeu vetëm për statistikë.
https://www.youtube.com/watch?v=BRY3QiPBgzY
Në takimet tjera, Bournemouth koleksionoi fitoren e parë në këtë edicion, pasi mposhti 2-1 Aston Villën në transfertë. Tre pikët e para në këtë edicion i mori edhe Everton e Norwich, që mposhtën respektivisht, 1-0 Watford dhe 3-1 Newcastle. Në barazim 1-1 u mbyll takimi mes Brighton të vendit të 3-të dhe West Ham. Momentalisht tabela udhëhiqet nga Liverpool me 6 pikë.
