Një aksident i rëndë ka ndodhur mbrëmjen e djeshme në Lushnje me pasojë ka humbur jetën një 69 vjeçar.
Mësohet se 69-vjeçari Myfit Dingo banues në Lushnje ka ndërruar jetë pasi është përplasur nga një mjet tip “Benz” teksa lëvizte me biçikletë kur u përplas nga makina.
Ai u transportua në Spitalin e Traumës Tiranë në gjendje të rëndë shëndetësore por nuk ka mundur të mbijetojë plagëve të marra.
Policia ka shoqëruar në komisariat drejtuesin e mjetit shtetasin S.R., banues në Dushkë. Grupi hetimor po punon për zbardhjen e plotë të ngjarjes.
