Kryeministri Ramush Haradinaj ka thënë se Parlamenti i Kosovës është i përbërë prej shumë grupeve parlamentare dhe me Listën Serbe ka pasur një bashkëpunim por largimi i tyre nga qeveria nuk nënkupton rënien e qeverisë.
Kreu i qeverisë së Kosovës ka theksuar se nuk do të japë dorëheqjen, por do të vijojë punën.
“Parlamenti është i përbërë prej shumë grupeve parlamentare, kemi pas partneritet të mirëfilltë me ta.. Veprimi i djeshëm s’ka qenë kundër serbëve në Kosovë, as kundër ndonjë zyrtari të Serbisë, me përjashtim të atyre që kanë thyer rregullat. Dorëheqjen s’e kam në plan me e dhanë. Punën e kam plan me vazhdu seriozisht, ata që e kanë plan me përkahë punën e qeverisë iu shpreh partneritet”, tha ai.
Sipas tij, nëse veprimi i djeshëm i Policisë në veri nuk ishte çështje e demonstrimit të forcës, por çështje e zbatimit të ligjit.
“Lista Serbe” ka vendosur të dalë nga Qeveria e Ramush Haradinajt, në Kosovë, ndërsa kryetari Goran Rakiç, pas takimit me presidentin serb Aleksandar Vuçiç, ka deklaruar se do të tentojnë ta formojnë vetë Asociacionin e Komunave me shumicë serbe.
