Projektligji i Vetingut , i ripunuar nga ekspertët e OPDAT parashikon që në rastin kur qytetari fakton ryshfetin qe i është marrë nga gjyqtari ose prokurori, do t’i kthehet dhe qytetari nuk penalizohet por quhet bashkëpunëtor me drejtësinë. Projektligji ka përfunduar tashmë është në duart e deputetëve të Komisionit të Posatçëm. Neni 50 do të marrë do marrë diskutimet e deputetëve i cili pritet të ketë një ndikim në luftën kundër korrupsionit në drejtësi.
Personi që ka marrë pjesë në kryerjen e një vepre penale te korrupsionit me subjektin e rivalisimit , ka të drejtë t’i drejtohet zyrës së prokurorisë kompetente për hetimin e veprave penale të korrupsionit, sipas legjislacionit penal. Prokurori mund t’i japë statusin bashkëpuntorit të drejtësisë personit që shpreh vullnetin për të dhënë informacion të mjaftueshëm për praktikën korruptive ndërmjet tij dhe subjektit të rivlersimit, thuhet në ligj.
Ajo që të çudit paksa është se bashkëpuntori i drejtësisë nuk mund të ndiqet penalisht për veprat e korrupsionit që ka kryer me subjektin e rivlersimit, sipas dëshmis së dhënë. Një kopje e dhëshmis dhe e marrëveshjes së bashkëpunimit, i jepet bashkëpuntorit të drejtësisë dhe institucioneve të rivlersimit.
Subjekti i rivlerësimit nuk legjitimohet të ngrejë pretendimin se fitimi i ardhur për shkak të kësaj shume ka humbur gjatë kalimit të kohës. Kthimi i shumës mund t’u kërkohet drejtpërdrejt edhe çdo personi të lidhur me subjektin e rivlersimit, nëse vërtetohet se atij i ka kaluar një vlerë më e madhe se 100.000ALL pa shkak të ligjshëm, që nga 01.01.2006.
