Për Bibliotekën Kombëtare të Kosovës po shkruhet shumë.Kohëve të fundit, kjo ndodhë sepse një model i kësaj Biblioteke – arkitektura e së cilës gjithmonë shkakton debat, është pjesë e ekspozitës “Toward a Concrete Utopia: Architecture in Yugoslavia, 1948-1980’.
Ekspozita në MoMA e cila e eksploron arkitekturën e dikurshme në Jugosllavi, së fundmi është zgjedhje e kritikës pamore edhe në New York Times.
Jason Farago e ka vizituar ekspozitën ndërsa tregimi dhe kritika e tij jo pak herë sillet edhe kah Kosova, Prishtina dhe Biblioteka Kombëtare e cila edhe sot shihet si objekt i bukur në mes të Prishtinës dhe gjen përdorimin e saj në ambientin e rrethuar me gjelbrim.
“Kosova, origjina e një prej yjeve më aktive momentalisht në muzikën pop, Dua Lipa”, shkruhet diku mes rreshtave të kritikës derisa tregohet për objektin e Bibliotekës, ndërtuar nga Andrija Mutnjakovic me 99 kupola hemisferike frymëuar nga arkitektura islamike.
Në kohën e Titos, shkruan NYTimes, ishte më e lehtë të ishe artist në këtë pjesë sesa në Bashkimin Sovjetik, në Shqipëri apo në Rumani. Megjithatë, jo gjithçka ishte parajsë.
“Në Prishtinë, në po këtë library librat u cenzuruan dhe tensionet gjuhësore e etnike në të vërtetë asnjëherë nuk u larguan në tërësi”, shkruhet në kritikën që i bëhet ekspozitës ku ka edhe përfaqësim kosovar.
Brenda kritikës përmendet edhe Beogradi i Ri – një pjesë që edhe sot po ndërtohet, një vazhdimësi e Beogradit por mbushur me pjesë brutaliste. Në anën tjetër, një tërmet që goditi Shkupin në vitin 1963, bëri që më vonë qyteti të rindërtohej me një formë që u quajtu – “metabolism” – përdorur nga japonezi Kenzo Tange.
