Komuniteti LGBT po e cilëson si arritje mundësinë që i është dhënë për të pasur hapësira diskutimi nëpër shkolla, por ky vendim disi delikat ka hapur shumë diskutime.
Në antitezë me këtë “qytetërim” një murgeshë tregon historinë e saj. Ajo rrëfen se është pushuar nga puna vetëm se ishte murgeshë. Frika se mos do të kishte ndikim fetar në komunitetin e Mirditës, zonë historikisht katolike bëri që Elda Nikolli të largohej nga mësimdhënia përmes një “dënimi pa gjyq”, siç e cilëson ajo.
“Jetoj në Fan (Mirditë) dhe për tre muaj kam punuar në shkollën Ndrecë Ndue Gjoka. Kur më morën në punë më thanë ‘kujdes se ne jemi shkolle laike, nuk duhet t’u flasësh nxënësve për fenë’, biles, sikur të mos mjaftonte, një ditë përfaqësues drejtues të shkollës kanë hyrë në klasë duke pyetur nxënësit ‘a ju bën mësim kjo, apo ju flet për fenë?’, këtë në syte e mi! Ndërkohë që jetojme në një zonë, ndoshta e vetmja në Shqipëri, me traditë katolike prej shekujsh. Habitem që ende kemi frikë në institucionet tona të përmendim dimensionin shpirtëror, i vjetër që me lindjen e njeriut, ndërsa teoritë gender na duken si arritja e madhe e qyteterimit tonë!
Sidoqoftë, edhe pse nxenesit e mi u shprehën të lumtur për mesimin që bëja, më pushuan nga puna, ‘dënim pa gjyq’, edhe pse me dy diploma, master dhe 6 vite pune… ka diçka që nuk shkon…”, shkruan Elda Nikolli.
