Vokshi: Thirrjet për ” Familjen e trashëgueshme” të koleges Mesila Doda nuk janë diskriminim, por një e drejtë themelore e njeriut!
Deputetja e PD-së, Albana Vokshi, mendon se qëndrimet e aktivistëve të komunitetit LGBT, janë diskriminim për ata që mendojnë ndryshe prej tyre. Vokshi merr shkas nga kërkesa-akuzë për dënimin e deputetes Mesila Doda. Vokshi e cilëson si qëndrim me dy standarte për diksriminimin, atë të aktivistëve të komunitetit LGBT.
Albana Vokshi thekson se thirrjet e deputetes Doda në mbrojtje të “Familjes së trashëgueshme” nuk janë diskriminim, por një e drejtë themelore e njeriut. Përmes një postimi në facebook, Vokshi ka këtë mesazh për aktivistët e komunitetit LGBT:
Ndoqa me vemendje debatin me “dy standarde” për diskriminimin. Aktivistët e Mbrojtjes së të Drejtave të Komunitetit LGBT nuk mund të shkelin të Drejtën e Mendimit Ndryshe! Thirrjet për “Familjen e trashëgueshme” të koleges Mesila Doda nuk janë diskriminim, por një e drejtë themelore e njeriut!
