Gjatë ditës së sotme, në Bulevardin “Dëshmorët e Kombit”, do të zhvillohen dy protesta, pothuajse në të njëjtën orë dhe sigurisht në të njëjtin vend, por për kauza krejt të ndryshme.
Aleanca LGBT dhe Pro LGBT do të pedalojnë sot kundër homofobisë, ndërsa Partia Demokratike ka thirrur mbështetësit anembanë vendit, për të protestuar para Kryeministrisë, për krijimin e një qeverie teknike dhe për shtyrjen e zgjedhjeve.
Përpos kauzave, edhe natyra e dy protestave do të jetë e ndryshme. Aleanca LGBT dhe Pro LGBT do të zhvillojnë një paradë paqësore, ndërsa protesta e opozitës është rrethuar me një retorikë të ashpër.
