Sekretarja e PDIU, Mesila Doda ka reaguar lidhur me letrat e kryeministrit Edi Rama drejtuar kreut të opozitës Lulzim Basha.
E ftuar në emisionin Open, Doda tha letrat e sotme të kryeministrit janë të mbushura me një ton agresivë, një ton viktimizues dhe një ton kërcënues brenda.
“Ndaç me 30 qershor apo me 30 korrik zgjedhje nuk do të ketë dhe nuk e ke opozitën aty brenda. E njëjta ideologji që po përdoret tani është përdorur edhe gjatë kohës që dolën studentët në protest. Fakti është se studentët e vjetëruan Ramën menjëherë sapo doli sepse i hoqën edhe pjesën e gjuhës së tij politike, i hoqën edhe argumentet. Ndërsa të dalim tani dhe të themi nuk kemi krizë kur Parlamentin nuk e ke, se s’ka kauz opozita ndërkohë të gjithë njerëzit i ke në boulevard. Nëqoftëse s’kemi sot krizë dhe s’kemi kauz morale atëhere flasim dimension tjetër. Letrat e sotme po ti vini re janë të mbushura me një kolori krejtësisht prej stalker-i. Në të njëjtin paragraf dhe në mënyrë të përsëritur kemi një ton agresiv, një ton viktimizues dhe një ton kërcënues brenda. Kujt po ja thotë? Çfarë po kërkon të thotë ky? Kujt ja tregon ky që opozitës i ikin njerëzit ndërkohë bulevardi mbushet çdo herë dhe më shumë? Kujt ja tregon se ju do zhdukeni? Si guxon ky që i flet opozitës me këtë gjuhë? Ky personi që di të ardhmen, di të shkuarën, ky që mori drejtësin, ky që mori mbështetjën e ndërkombëtarve. Jo, jo se është kryeministër”, u shpreh Doda.
