Nënkryetari i Partisë Demokratike, Edi Paloka është shprehur se largimi i Ramës është i pangociueshëm dhe kjo nuk do të vijë nga dëshira e tij.
I ftuar në Ora Neës, Paloka deklaroi se Rama do të largohet kur të ndjejë rrezikun e kokës së tij, pikërisht kur i gjithë populli i është ngritur kundër.
“Largimi i Ramës është i pangociueshëm dhe kjo nuk do të vijë nga dëshira e Ramës. Askush nga ne nuk ka iluzionin se Rama në një ditë të bukur do të dalë do thotë për interesa të kombit, që Shqipëria mos shkojë drejt shkatërrimit unë do jap dorëheqje, po hyj në zgjedhje sepse jam i fituar. Pra nuk e pret kush nga Rama këtë. Rama do të detyrohet të shkojë atje. Do të detyrohet vetëm kur të ndjejë rrezikun e kokës së tij”, deklaroi Paloka.
I pyetur nga gazetarja Beti Njuma se, ‘çdo të thotë rrezik i kokës së tij se ngjan si kërcënim?’, Paloka dha këtë përgjigje:
“Në të gjithë kuptimin e fjalës. Kërcënim është. Ka një popull që i është ngritur kundër. Kështu si po shkon situata në 30 qershor nuk do të ketë. Këtë edhe Rama e di, pavarësisht se del dhe mban me gajret të vetët, do mbahen zgjedhje, do mbahen zgjedhje. Nuk ka zgjedhje në 30 qershor. Puna është si do jetë ajo dita e 30 qershorit”, u shpreh Edi Paloka.
