Largimi i moderatorit të “Opinion”, Blendi Fevziu nga televizon Klan, në Top Channel, ka ngjallur polemika të shumta për të gjithë ndjekësit besnikë të këtij emisioni.
Në një intervistë për Panorama Plus, moderatori ka folur se si qëndron e vërteta. “Disa kohë më parë, në një bisedë me Ben Blushin, drejtorin e ri të Top Channel, kemi folur për disa pakënaqësi të miat në Tv Klan. Kanë qenë probleme që lidheshin me mënyrën konceptuale dhe funksionale të televizionit, për të cilat ka debate në çdo media. Ben Blushi më bëri një propozim për t’u bërë pjesë e Top Channel. Duke parë mënyrën se si ai Televizion po fuqizon linjën politike dhe gazetareske pas ardhjes së Blushit, u ndjeva i tunduar nga ky propozim. Deri tani nuk kam marrë asnjë vendim nëse do transferohem në Top, apo do të qëndroj në Klan”.
